Sabina - wesoło frelka ze Jaworzna. Somsiady i znajomi na jej widok zaro sie usmiychajom, bo inaczyj sie nie do. Zawsze pomocno i zyczliwo. Z muzykom byla za pan brat od bajtla i bes to ostala tyż prezynterkom. Do kozdyj spiywki gratis dokłodo buziole jaworzniole. Prowadzi notowania Top15 co drugo sobota, a priwatnie to ukochano mamuska, tysciowo i oma.

Zefel mo na piyrsze miano, a jak na druge mu dali tego nom nie chce pedzieć ! Pochodzi ze Szombierkof kaj tyrol do przedszkola i do szule podstawowyj dwanoście lot,bo mu sie tam festy jedna nauczycielka podobała. O sobie wiela niy kce pedzieć, ale uwielbio grać jak ni mo fto. Spiywek mo tela, że co sie radiok włonczy to gro co inkszego. Wiymy, że to kawaler do wziyncio, ni mo frele, ni mo baby i dziecek, bes to sie może piwko chlapnonć we świontki, piontki i niedziele, ale pod warunkym, że mo frei ! 

Eddi Mors jak som o sobie godo - jest bajtlym Posejdona. Pochodzi ze Katowic, a teroski miyszko we Stuttgardzie. Colki czos był słuchaczym jednak od downa mu sie marziło co by siednoć za sitkym i zabowiać słuchaczy. Oprocz muzyki lubi jeżdzić na nartach, nurkować, ale nojwiyncyj radości mo jak może kajś wrazić pazury i coś zbajstlowac. Wiyncyj zepsuje niźli naprawi , ale łon już tak mo.

Wesoły Wojtek na radiok trefił z Ramotow. Trocha niepełnosprawny, ale to mu nie zawodzo co by zabawiać suchaczy, a robi mu to wielki szpas. Jak niy gro na radioku, abo keyboardzie to łazi do roboty pomogać we kuchni pichcić. Jak szukocie pszociela to nadowo sie na niego jak malo kto, ale jak podpadniecie to ni ma szans na odzyskanie zaufanio.

Barbarka, Baśka, Berbla nazywano Pchełkom o wielkim serduchu. Miyszko we Otwocku na piontym sztoku.  Wesoło i zawsze radosno. Ćwiyrko od rana do nocy, a swojim śmiychym poradzi zarazić nojwiynkszego ponurasa. Na myśl o nij japa sie osjyżdżo sama . Tukej sie spełniło jej małe marzynie - by mogła grać Top15. Łoprocz granio na radioku uwielbio czas spyndzać na działce -  patrzi jak rosnom kwiotki i sucho koncertow ptokow. 

Emilia - Yeja znano tysz jako ober hexa,  prezynterka z dugoletnim doświadczyniym, prawo i lewo rynka Roberta , pyskato i wyszczekano na kożdy tymat z wiecznie osjechanom japom, ale tak richtik zno sie na tym i na tamtym, zawsze chyntno do pomocy jak za dnia tak i w nocy. Miyszko od urodzynio we Łaziskach Górnych. Prywatnie miło i spokojno żona, muterka i oma, kero nie poradzi  usiedzieć i zawsze musi coś dłubać jak niy we łogrodach to w doma.

Robert zwany bucowaty skuli jego osobistyj osobowoście. Pochodzi ze Ciechocinka, kaj tera miyszko to żodyn niy wiy. Naczelny ze przipadku, graficiorz ze zamiłowanio, żyniaty z wyboru, karlus kożdymu pomocny , jak trza to kopa zasadzi takigo, że idzie miesionczek pomacać i ze hukym nazot ślecieć.  Wyznowo zasada - jaki ty do mie taki jo do ciebie.

Jorguś abo Nowy Jork - głowny sprawca tego zamiyszanio. Pochodzi ze Bytomio, miyszko w Niymcach. Zamarziło mu sie założyć radio. Po dukszych obradach, som ze sobom doszoł do wniosku 25 października 2021 co to bydom Kamraty. Na codziyń loto jak perszink miyndzy familiom a robotom bez to ni mo czasu byc tu szefym i stanowisko Redaktora Naczelnego  powierził Robertowi .

Jo jest Kamracik - maskotka tego radia i razym ze cołkom Redakcjom witom blank gorko na naszym Radio Kamraty. Skąd się wzięłą nazwa ?

Bo co dwóch abo trzech to niy jedyn.

Momy nadzieja co radio pszipadnie

Wom do gustu i bydziecie sie z nami dobrze bawić czego życzymy Wom i nom.

Zaproszomy tyż 

na radiowego fejsa, a przede

wszystkim do wspólnyj zabawy